विद्यालय बन्द गरेरै आन्दोलनको धम्कि दिएको शिक्षक महासंघलाई शिक्षा मन्त्रालयले वार्ताका लागि बोलाएको छ । विद्यालय बन्द र आन्दोलनका कार्यक्रम स्थगन गरी मंगलबार दिउँसो तीन बजे शिक्षा मन्त्री अशोक कुमार राईको संयोजकत्वमा हुने वार्तामा मन्त्रालयले शिक्षक महासंघलाई बोलाएको हो ।
अहिले महासंघले उठाएका कतिपय माग नियमावली र नीतिगत निर्णयबाट सम्बोधन हुने प्रकृतीका रहेको निष्कर्श निकाल्दै मन्त्रालयले विभिन्न चरणमा भएको छलफल र महासंघले पेश गरेका सुझावलाई विधेयककमा यथासक्य समावेश गरेको पनि स्मरण गराएको छ ।
मन्त्री राईले गत भदौ २७ गते विद्यालय शिक्षा सम्बन्धि कानूनलाई संशोधन र एकिकरण गर्न बनेको विधेयक सदनमा दर्ता गरेसँगै महासंघको व्यानरमा सामुदायिक विद्यालयका शिक्षकहरुले विद्यालय बन्दको धम्कि दिएका थिए । उनीहरुले देशभरका विद्यालय बन्द गरी शिक्षकलाई काठमाडौमा उतारेर असोज तीन गते प्रदर्शन गर्ने घोषणा गरेका छन् ।
विद्यालय बन्द गर्ने धम्कि पछि शिक्षक महासंघको चौतर्फि आलोचना भईरहेको छ ।
